An Veng VCP, Pu H. Lalramliana kaihhruaia lawmpuina inkhawm Ramthar Veng VC House-a neihah thusawiin, Pu Lawmawma Tochhawng chuan Lunglei East bial mipuite duhsakna dawnga an MLA atana thlantlin a ni chu lawmawm a tih thu sawiin, ram leh mipuite rawngbawl tura thlan a nih avanga tih tur a neih te hlen chhuak ngei turin theihtawpin \an a la dawn niin a sawi a, hmasawnna ruhrel lian tham tak Lunglei District tan din a tum thu te, mipuite hmasawnna atan leh ham\hatna atan mel lung pawimawh tak a din theihna tur te, ei leh bar lama intodelhna mipuiten an hmuh theihna tur te, kum lama upate ngaihsak a tum thu te, artuia intodelh theih nan hmalak a tum thu te a sawi bawk a ni.
He inkhawmah hian Pu Lawmawma Tochhawng hi Ramthar Veng MUP, MHIP leh YMA ten MLA atana thlantlin a nih vang leh Lunglei District High Power Committee Vice Chairman atana hlankai a nih avanga lawmpuina thuziak an pe a ni.
He inkhawmah hian Lunglei District MJA President, Pu H. Lalthansanga pawhin thu sawiin Pu Lawmawma Tochhawng chungah mipuiten beiseina sang tak an nei tih te, tun hma anga Lunglei District-in football lama hma a sawn theihna tura hna a thawh zui leh a beisei thu te a sawi a ni.
