Artui tharchhuah a ni ta chu Ar vulhtute tan lakna leh inpekna vang a ni tih Pu Lawmawma Tochhawng hian a sawi a, tuna an thlen chi chu a bultanna a nih avangin tanlak chhoh zel a tul dawn tih a sawi. HPC hian Lunglei Veng hrang hrang panga a Poultry Society member 100 thlanchhuahte hnenah, Ar tui chi Rainbow Rooster sing 1 a vulh tir a, Nikum December thla khan a note pe chhuakin tunah hian an tui tan a, HPC chuan Artui pakhat Rs. 12/- aia to lova hralh turin a man a bithliah sak a ni.
Vawiina Artui tlangzarhnaah hian society ten artui an ken khawm chu 4577 a ni a, hengte hi hralh zawh nghal vek a ni a, Artui man atanga hian cheng sing 5 sang 4,924 hmuh a ni.
