Lunglei Luangmual-ah 2nd Battalion MAP din champha vawi 30-na lawm

0
390
views

2nd Battalion MAP din champha vawi 30-na chu vawiin khan Lunglei Luangmuala an hmunpuiah lawm a ni a, a hmanpuitu, DGP, Pu Thianghlima Pachuau chuan Police-te chu an awmna hmun apiangah mipuite rawngbawlsaka thlamuantu an ni tih hre reng turin a chah. He ni lawmnaa khualzahawm DIG (Range), Pu Joseph Lalchhuana pawhin harsatna chi hrang hrang karah Battalion din tirh a\angin hma a sawn chho zel niin a sawi a, dan ken kawh kawngah leh nunphung pangngaia mipuite awm theihna tura Police te hnathawh chu \ha taka chhunzawm zel a \ul thu a sawi bawk. He ni lawmna inkhawmah hian 2nd Battalion Commanding Officer, Pu C. Lalruaia chuan 2nd Battalion MAP din tirh a\anga an dinhmun tlangpui a sawi a, tunah hian he Battalion-ah hian mi 634 an awm a, Lunglei District bakah Lawngtlai leh Siaha District te an vil niin a sawi bawk. An din champha lawmna atan 2nd Battalion MAP mite hian Serkawna Christian Hospital-a damlote tan thisen unit 122 an pe a, TNT \anpui nan Rs.15,000/- leh buhfai bag khat, Bethel Camping Centre \anpui nan Rs.10,000/- leh buhfai bag khat, Serkawna BCM Orphanage \anpui nan Rs.1,000/- leh Sorazo Rs.2,000/- man an pe a ni.