Lunglei MSU Regional Headquarters in naktipa MSU Award 2018 an sem tur chungchang vawiin khan Lungleia chanchinbu mite an hrilhfiah.
MSU Regional Hqrs Lunglei President Biaksiamtluanga chuan Award pek chhuah an tum chhan chu zirlaite leh \halaite chona tur leh fuih tharna a ni a ti a, mi 6 hnenah Award hi hlan an tum tih a sawi. Award hlan an tum te hi fa 20 hringtu kum 69 mi Pi Kawlziki Sertlangpui khuaa cheng mek te, ama remhriatna hmanga khawl chi hrang hrang siamtu Pu Chhunmawia Haulawng te, Vawk vulhtu hlawhtling Pu H. Laltanpuia, Kuthnathawktute chawikan kawnga hmalatu Pu Joseph H. Thanzuala, Lushai Soap Industry dintu Tv. H. Laldinmawia Zohnuai leh Lunglei-a Mutia Association te an ni a ti.
