He thutkhawmna kaihruaitu Agriculture Minister chuan, hri leng dona kawnga Lunglei District mipuite tana Health Department hna thawh chu fakawm a tih thu a sawi a, khawtlang, Kohhran leh Task Force te thawh hona tha tak hnuaiah Lunglei District chhunga Quarantine Centre te hlawhtling taka enkawl a ni chu a lawmawm hle a ni, a ti. Lunglei District-in sample endikna khawl a neih sa bakah Chief Minister ruahmannain Truelab Quattro Realtime Micro PCR khawl bun tura ruahman mek a nih thu a sawi a, Lunglei District mipuite chu sorkar hmalakna ngaichang chunga dawhthei taka hri leng dona kawnga Sawrkar thawhpui zel turin a sawm a ni.
Thutkhawmnaah hian Lunglei North bialtu MLA, Dr. Vanlaltanpuia leh Lunglei South bialtu MLA. Dr. K. Pachhunga bakah Health Secretary, Pu H. Lalengmawia leh Health Deptt. hotu dangte an tel a ni.
