He Exhibition-ah hian Lunglei District-a kuthnathawktute tharchhuah thlai leh pangpar chi hrang hrang, hlawm 40-a \hen hnuaiah chi hrang 375 pho chhuah a ni a, hlawm tinah lawmman siam a ni a. Exhibition neih chhung hian Rs. 3,29,370/- man hralh chhuah a ni.
A kharna inkhawm tawi buatsaihah Bamboo Development Vice Chairman Dr. K. Pachhunga MLA chuan, kuthnathawktute leh pangpar chingtute tana inphochhuahna remchang Horticulture Department leh Mizoram Florist Association ten an buatsaih chuan kuthnathawktute phurna a thlen ngei a beisei thu a sawi. Rannung thahna hlo pesticide leh bawlhlo tha lo dang hmang lova thlai thar chhuah uar inzirtir a \ul tih a sawi a, sorkar pawhin uar zawka Organic Farming kalpui a tum tih a sawi.
