Lungleia khawpui chhunga YMA Branch hrang hrangin veng chhung tihfai hnatlang nei

0
500
views

Lungleia khawpui chhunga YMA Branch hrang hrangin tukin khan hnatlangin veng chhung tihfai hnatlang an nei. Hnatlangte hian kawngpui dung, khawlai leh lui kawra bawlhhlawhte an chhar fai a, hnatlangte hming hi chhinchhiah vek a ni a, Sub Hqrs. YMA office-ah thehluh a ni a, hei hi Sub Hqrs. YMA chuan UD&PA office-ah a thehlut leh dawn a ni.

Vawiin vek khan sorkar thuchhuah bawhzuiin Serchhip khawpui huam chhunga sorkar hnathawkte chuan faina beihpui thlakin vantlang hmun an tifai a, UD&PA Department-a thawkte chuan District Urban Development Officer, Pi Vanthangpuii hovin AOC veng a\anga Bazara chawhmeh zawrhna building inthleng an tifai a ni. DC Office-a thawkte pawhin SDO (Sadar) Pu R. Vanrengpuia leh Election Officer, Pu Abraham B. Khithey hovin chawhhmeh zawrhna bazar building chhawng hnuai leh a chhehvel an tifai a, LAD-a thawkte pawhin New Serchhipa IOC venga DC office panna kawng peng\huam leh a chhehvelte an tifai a, DIPRO office-a thawkte chuan College peng a\anga Supply kudam thleng an thian fai bawk a ni.