An pawl President, Lalrammuanawma chuan, an thil tih chu kawhmawh bawl vang leh sorkar an do vang a ni lo tih sawiin, Lunglei Civil Hospital-a Doctor sawn chhuahte aiawhtu tur tun thlenga sorkarin a la dah lo leh Health Minister, Pu Lal Thanzara pawh hemi chungchang hi an lo sawipui tawh thu sawiin hetihlaia kumin June ni 18-a Doctor pakhat sawn chhuah leh a ni chu an hriatthiam loh thu leh Lunglei mipui ngaihpawimawhlohnaa an ngaih thu a sawi a, Lalrammuanawma chuan an thilphut an hmuh theih nan thla khat chhung hma an lo lak tawh thu te, heti chunga sorkarin anmahni thlaktu tur doctor a la dah lo chu an hriatthiam loh thu a sawi a ni. Lunglei MZP hruaitute chuan an lungawilohna lantir chhunzawm nan Thawh\anni atangin hmalak chhunzawm an tum thu leh lungawina an hmuh hma chuan beih zui zel an tum thu a sawi bawk a ni.
