Nizana Thingfal khuaa an Party mite nen an inkawmnaah Lunglei ZPM President, Pu V. Malsawmtluanga chuan, ZPM chu Zoram mipui ten an nghahhlelh ang takin Party khatah an inchhung khawm a, Registered Party an lo ni ta tih a sawi a. Zoram tlu chhe mek tungding turin mipui ten ZPM-ah bak beiseina thar an nei lova, ZPM Sorkar hun tur nghakhlel takin an thlir mek a ni, a ti a.
Zoram kaihruai tura an inbuatsaihnaah Mizoram hmun hrang hrangah Unit, Group leh Block \ha tak tak Pathianin a pe zel a, tun a\anga hun rei loteah khaw tinah Unit an neih theih an beisei a, tunhmaa Zawlneiten Zorama Sorkar-na inlumlet dan tur an lo puan tawh dan han thlirin ZPM inpeih hun hun an Sorkar hun tur nia a lan thu a sawi. Pu V. Malsawmtluanga chuan, ZPM a Sorkar rual rualin kuthnathawktute chhanchhuahna policy kal pui nghal a ni dawna, hei hi thil dang zawng zawng aia ngaihpawimawh hmasak tum a ni tih sawiin, Zoram hmun hrang hranga ZPM thlawptute chu ZPM beidawng mai lo tur leh an awmna hmunah \heuh Kohhran tana mitangkai tak nih tum \heuh turin a chah a ni.
