ZPM hruaitute hian Rualalung, Lungrang, Chawngte L, Khawmawi leh Thingfal te an tlawh a, heng khaw hrang hranga thusawitu ZPM Southern Headquaters General Secretary, Pu Lalramliana chuan, tuna rorel mektu MNF party hian mirethei leh pachhiate laka an thutiam an hlen lo a nih ngat chuan chunglam rorelna rip tak an hmachhawn ngei a rin thu a sawi a. Hun danga la hriat ngai loh ang takin ZPM chu opposition an nih \antirh a\anga party worker ten phur taka hma an la zui nghal thei leh mithar lawmluh tur indawt nghal zut mai chuan hun rei lotea ZPM hmabak a tilangchiang hle a ni,a ti. Pu Ramliana chuan, tunhnai Zoram boruak thlirin mi tam takin MLA leh MP inthlanah duh thlang sual an inti a, inchhirna \awngka hriat tur a tam hle tih sawiin, mipuiten inthlan leh hun nghakhlel takin an thlir a, duh thlang sual tawh lo tura vote thlak an chak zek zek tawh a ni, a ti.
Lunglei South bial tlawhtu ZPM Southern Headquaters hruaitute hi Vice President, Pu Lalhmingliana’n a ho a. Khaw hrang hranga ZPM unit hruaitute chuan VC inthlan an nghahhlelh tawh thu leh chak ngei an inbeisei thu te, Congress party leh Neutral a\anga ZPM zawmthar tur mi engemaw zat an awm thu an lo hrilh a ni.
