Lungleiah puan thui zirna khar inkhawm

0
629
views

Sawrkar laipui hnuaia Micro, Small & Medium Enterprises Ministry leh World Vision India \angkawp buatsaih, Puan\hui zirna chawlhkar 6 chhung awh chu vawiin khan Lunglei Bazar Venga LKK Self Help Group Tailoring Training Centre-ah khar a ni. Kharna inkhawm kaihruaitu leh thusawitu, World Vision India Project Co-ordinator, Pu Thanglunpaua Guite chuan Self Help Group tana hnathawh tur ruahman chi hrang hrangte chu eizawnna tlak a ni tih sawiin, puan\hui zirte pawhin thiamna thar nei zel tura \an an lak chhunzawm reng a ngai dawn niin a sawi. Puan\hui zir chhuakte hi mi 24 an ni a, training an zo tih tarlanna certificate pek \heuh an ni. Lunglei District-ah hian Self Help Group 898 a awm a, heng zinga \henkhat chuan State Bank of India leh Mizoram Rural Bank a\angin loan cheng nuai 100 leh sing 9 zet an la tawh a ni.