Ni 2 awh tur MADC Budget Session hi MADC Session Hall, Siaha ah \an a ni a. MNF MDC te chu session ah hian an tel duh lo a ni. Session hi Dy Chairman Pu K. Pawhnie-a’n a kaihruai a, kumin may ni 23-a boral Pu KL. Bana, Tokalo Bialtu MDC sun a nih hnuah CEM Pu N. Zakhai chuan kum 2019-2020 chhunga MADC sum hman tura ruahman cheng nuai 14,726 House ah a pharh a, Budget hi Thawh\anni khian sawihhoa pass tum a ni ang. Nikum lam aia kum 2019-2020 Budget punna hi cheng nuai 1855 a ni.
Kum 2017-a MADC inthlanpuiah Congress in sorkarna a siam a, June ni 19 khan Congress hi BJP party-ah an in chhunglut a, BJP kaihhruai MADC Executive Committee lo ding ta chu MADC dan dinglai zawma din a ni lo tih MNF hian sawiin tun session hi an tel duh lo a ni.
