Mara Autonomous District Council-ah Congress sorkar, Pu N. Zakhaia kaihhruai chu vawiin khan Executive Member pathum leh Nominated member pathum la luta tihlen a ni. Executive Member thar pathum hi MADC hnuaia Forest Deptt. Conference Hall-ah Siaha Bawrhsap, Pi Harleen Kaur-i’n rinawmna thu tiam tirin a la lut a, hengte hi Pu V. Vanhupa, Revenue Deptt. enkawltu tur, Pu L. Prisila, Soil & Water Conservation enkawltu tur leh Pu Beirahmo Syhly, Sports & Youth Services enkawltu turte an ni. Vawiin vek khan MADC-a ruat seat 3 luah turin member pathum lak luh an ni a, chungte chu – Pu Pasa T. Azyu, Pi Ngunsuii leh Pi A. Mery te an ni a, hengte hi Congress member an nih avangin Mara Autonomous District Council-ah Congress member 20 leh opposition member 8 an awm ta a, opposition member-te hi MNF 5, MDF 2 leh Independent 1 an ni. Executive Member thar pathum nen hian MADC-ah CEM, Pu N. Zakhai bakah EM 9 an awm ta a ni.
