Mahni Thlai Thar Zuar Pawlin Aizawl New Market-ah thutna hun tam zawk pek an phut

0
273
views

Mahni Thlai Thar Zuar Pawl chuan an thlai thar zawrhna ber, Aizawl New Market-ah thutna hun tam zawk pek an phut thu vawiin khan thuchhuah siamin an sawi a. New Market-ah hian kar tin, Thawhtanni atanga Inrinni thlengin zing dar 9 thleng chauh thut phalsak an ni a, hetih hun chhung hian an thlai tharte an hralh zawh hman loh thin avangin harsatna an tawk niin an sawi. An harsatna hi kum 2014 khan Commerce and Insustries Department hotute an lo sawipui tawh a, Inrinni bikah chhun dar 12 thleng inzawrh an phalsak hnuah he thupek hi sut leh nghal a ni a. Hun eng emaw chen an nghah hnuah kumin February ni 9 khan Commerce and Industries Minister, Pu H. Rohluna hnenah an harsatna hi an thlen leh a, hemi tuma Minister-in a lo chhan dan chuan an rilru a tina hle nia sawiin, an thlai thar chu Aizawl khawpui chhunga phur lut tawh lova, khawpui daia a khar chhawngtute hnena pe mai tura thurawn a lo pe leh, mahni thlai thar zuar ni lo-a a lo lo sawi chu an ngaih thiam loh thu an sawi a ni. Mahni Thlai Thar Zuar Pawl chuan, an thlai tharte an hralh theih nan inzawrhna hun tam zawk an duh thu leh an harsatna sut kian dan tur ngaihtuah tura thuneitute an phut thu an sawi a ni.