Mamit District-a Bru laklet tur chhungkaw 5,407-a mi 32,876 te laklet dan tur chungchang leh anmahni dahna atana khaw 48 ruahman dan te leh heng khaw hrang hranga in sakna tur ram pek dan chungchangte thlirhovin District Level Core Committee chu Mamit Bawrhsap, Pu Bhupesh Choudhury hovin vawiin khan an thukhawm

0
658
views

He meeting-ah hian Home Deptt.-a Joint Secretary, Pi Lalbiaksangi leh Officer on Special Duty, Pu David H. Lalthangliana te an tel a, he meeting-ah hian Tripura Bru Relief Camp hrang hranga Mizoram mite thla thar August ni 16-a laklet \an dan tur sawihovin ruahmanna an siam a ni. ZONET zawhna chhangin Mamit Bawrhsap, Pu Bhupesh Choudhury chuan Tripura Bru Relief Camp-a Mizoram mi awm te hruai kirna tura tun hnaia New Delhi-a ruahmanna siam thar lehah MBDPF President, Pu A. Sawibunga’n a hming ziak hnuk kir mahsela sorkar chuan Mizoram mi lakletna tura ruahmanna siam chu tipuitling turin a bawhzui zel tih a sawi.