He inkhawmah hian Mamit District chhunga Secondary School hrang hrangte electric eng pe vek tura hmalakna report Power & Electricity Deptt. aiawhin a pekah chuan School zawng zawng eng pek kim a ni tawh tih tarlan a ni a, zirna in zawng zawngah hmeichhia te tan bika inthiarna siam, naupang school kal bansan tawh te zirna chhunzawm tir dan tur chungchang leh zirna siam\hatna tura zirtirtu pakhatin zirlai a zirtir tur zat bituk anga zirtirtu dah a ni lo te chu an harsatna tawh mek a ni tih tarlan a ni.
PHE Department-in in tina inthiarna siam nan ekin pakhat zelah Rs.7,000/- a ruahman dawn thu te, an ina inthiarna sa tura an thawh ve tur chhungkaw tam takin an thawh ve theih loh chu hemi kawnga harsatna an tawh mek a ni tih te tarlan a ni a, Horticulture Department chuan an mamawh dan a zirin chhungkaw hrang hrang chin tur thlai chi leh a \iak an sem dan tarlan a ni a, Agriculture Department pawhin lo neitute mamawh khawl \henkhat chu man tlawm zawka loneitute hnena pek a nih thu an tarlang a ni. AH & Vety Department chuan chhungkaw hrang hrang ran vulh hri leng laka a him nan hri danna pek \hin a nih thu te, bawng vulhtuten bawng chi \ha an neih theih nan an bawngpui bawng chi \ha laa an kah rai dan te an sawi bawk a ni. Sericulture Department pawhin maimaw la tam zawk thar chhuahna tura silk pangang khawitute Eri Cocoon an vulh tir dan te an tarlang bawk a ni.
