Mamit District Task Force on Immunization chu vawiin khan Dist. Bawrhsap, Pi Lalbiaksangi hovin DC Conference Hall-ah an \hukhawm a, Mamit District chhunga naupang kum 5 hnuai lam, hri danna vaccine la pek lohte, Intensified Mission Indradanush hnuaia kim taka pek dan tur sawiho a ni. Bawrhsap chuan Mamit District hi ngaih pawimawh bik District-a telh a ni tih sawiin, kum 2018 December thlaah chuan naupang hri danna pek loh zinga za zela 90 tal pek theih tum a ni tih a sawi a, Intensified Mission Indradanush hnuaia hnathawh hi round 4-ah \hen a ni a, a thawh khatna chu October ni 7-ah, a thawh hnihna November ni 7-ah, a thawh thumna December ni 7-ah leh round hnuhnung ber chu nakkum January ni 7-ah neih a ni dawn niin a sawi. Hri danna vaccine pek hian hrawk natna hlauhawm tak, Diphtheria, Sakawrêkhrik, khuhhip, Haemophilus influenzae, type B, zenghri, TB, Sentut leh Hepatitis B te a veng thei a ni. He sawihona-ah hian UNICEF Consultant, Dr. Anil MH, Mamit District-a Doctor te leh he hnathawh kaihhnawih sorkar deptt. hrang hrang officer-te an tel a ni.
