Police thuchhuah tarlan danin, tun thla ni 3 khan Pi Linda-i, Vanlalvena nupui hi a taksa kang nasa tak avangin Bairabi PHC ah hruai a ni a, Aizawl Civil Hospital ah thawn a nih hnuah Falkawn Referral Hospital ah sawn phei a nih hnuin tun thla ni 5 tlai lam khan a thi a ni.
Pi Linda-i thih thuah hian a farnu Pi Rangsaiti, South Chhimluang khua chuan a pasal Vanlalvena chu ringhlelin Mamit Police Station ah FIR a thehlut a, Police te chuan tualthah thubuai ziaklutin Vanlalvena hi man a ni a, thu zawhfiah mek a ni.
Police te thil chhuina a\anga a lan danin Pi Linda-i thih chhan hi tih palh emaw, an nupa inkar buaina vang emaw a ni thei a, tunah chuan tualthahna anga ngaiin Police te chuan an chhui zui mek a, he thihna thlen chhan hi Tuikuk leh Mizo inkar anga lak tur a ni lo a, thihna thlen chhan tak dan anga chhui zel a ni tih Mizoram Police thuchhuah chuan a sawi.
