Mamit East Block Congress-in vawiina Lengpui Community Hall-a Special Conference an neih chu bialtu MLA, Pu John Rotluangliana, Minister-in a hmanpui.

0
303
views

Kum 10 chhung a bial mipuite nen thawh hona \ha tak an nei thei chu lawmawm a tih thu sawiin, hemi chhunga tihsual palh leh mi rilru tihnat palh a nei a nih chuan ngaih turin a ngen.

Mamit biala INC Official candidate, Pu Pu John Rotluangliana chuan, sorkar-in hmalakna tam tak a neih rualin, zawh hman loh hmabak tam tak a awm a, NLUP pawh inthlan zawh ve leh sem chhunzawm a ni dawn niin a sawi a. Mizoram leh hnam hruai leh turin Pathianin Congress Party chu a ruat nia sawiin, hei hi a hlawhtlin theih nan an party mite chu theihtawp chhuah zel turin a chah a ni.

He inkhawmah hian MPCC Election Department Chairman, Pu Albert Lalthlamuana leh Aizawl District Congress Committee General Secretary, Pu Vanlalhruaia pawhin thu an sawi a, tlaiah ruai an \heh a ni.