Thusawiin Pu H. Lalzirliana chuan Mizo Kristian nih leh tribal nih chu thil inhmeh tak niin a sawi a, mahni nihna leh thil chhar chhuahte inhlut sak thiam chu hmasawnna tur leh changkanna tur niin a sawi a, khawvelah hnam bo engemawzat an awm tawh laiin mihring nuai 11 vel awrh awmna Mizo nih hi a nuam a, hei hi Pathian vang niin a sawi a ni.
Kut thlengtu Pu Jacob Lalawmpuia, Addl DC chuan Chapchar Kut 2019 hmang tura kalkhawm mipuite chungah lawmthu a sawia a biktakin Kut Pa Pu H. Lalzirliana Kut Pa ni tura sawmna a tihlawhtling chu lawmawm a tih thu a sawi, Chapchar kut hlawhtlinna tura tha leh zung sengtu Organising Committee, YMA branch hrang hrang leh MHIP leh midang zawng zawngte chungah lawmthu a sawi a ni.
