Mara Autonomous District Council-a rorellai congress party BJP-a an in chhunluh tak avangin executive committee dinglai chu dan kalh a ni tih MNF Legislature Party-in an sawi a, MADC fur \hutkhawm, budget session neih turah tel an tum loh thu an sawi.

Kum 2017-a MADC general election-a MDC ngah ber Congress Legislature Party Pu N. Zakhai kaihhruai chu June ni 19 khan \hiatin BJP party-ah an in chhunglut a, BJP MADC Executive Committee lo ding ta chu MADC dan dinglai zawma din a ni lo tih MNF hian an sawi a, MDC ten thlan tlin an nihna party chhuahsana party dang an zawm chuan member an nihna hlihsak tur a nih avangin Congress ticket-a thlan tlin member 17 leh nominated member pathum te chu an bang ngei tur a ni an ti.

Hetiang hi thil awmdan a nih avangin MADC ah dan angin rorelna a kal thei tawh lo tih MNF Legislature Party hian an sawi a, BJP kaihhruai Executive Committee chu dan kalha din anih avangin an pawm lo tih an sawi. MNF MDC te hi an hruaitu Pu HC Lalmalsawma Zasai in a ho a ni.