Maubuanga Mizoram Orchid Centre buatsaih mek hi Maubuang khaw dai chhim lamah awm a ni a, Shyama Prasad Mukherji Rurban Mission (NRuM) scheme hnuaiah cheng vbc 3 nuai 9 senna tur a ni. Nikum February thla a\ang khan hna thawh \an a ni a. He Centre chhungah hian Guest House, Staff Quarters, Conference Hall, Research Station, Laboratory, Tissue Culture Chamber, Green House engemawzat leh Car Parking te siam a ni.
Pu Lalruatkima chuan Mizoramah Nauban chi hrang hrang 253 chhinchhiah a ni tawh a, Maubuang ram leh a chhehvel hi Nauban chi chi hrang hrang neih that lamah India rama dinhmun palina hauh tu an ni a ti a. Mizoram State Flower ‘Senhri’ chu chimit maithei dinhmunah a din avangin humhalh a tul a ni a ti. Pu Lalruatkima hian Nauban hmunpui chu a nih ang taka hawn a nih hunah chuan mithiam thil zir bing miten an chhawr tangkai bakah khawtlang mipuite leh helama tui mite tan eizawnna tha tak a la ni thei dawn tih a sawi.
