Mizoram Board of School Education-in a hnuaia Board Exam vil tura a ruat thin, Sitting Supervisor zinga hnathawk tha bera thlan, Pu F. Laltansanga hnenah chawimawina a hlan. Hemi puala inkhawm, Chaltlanga MBSE Conference Hall-a neih hi MBSE Secretary, Pu F.Lianhmingthanga’n a kaihruai a, MBSE Chairman, Rev. Dr. Lalchungnunga’n he chawimawina hi Pu F. Laltansanga hnenah a hlan a ni. He chawimawina dawngtu, Pu F. Laltansanga hi kum 2016-17 chhunga Chawngte, Kamlanagar leh Nghalimlui-a Board Exam-te viltu a ni a, heng lai hmunah hian examnaah thil dik lo leh entawn a tam hle thin a, hei vang hian pass pawh an tam thin a, exam hall-a entawnte hi tam tak man an nih tak avangin pass zat pawh an tlem phah hle nia thu dawn a ni. He chawimawina thuziak leh tangkafai cheng 10,000 a keng tel a ni.
