Medical Operation team On Covid 19 Chairman Dr. ZR Thiamsanga MLA in Indian Council of Medical Research a\anga Rapid test kit an dawn chu hman ala ni lo s, hman a nih hunah covid-19 test zat a pun rin a ni a ti.

0
459
views

Zonet zawhna chhangin Dr. ZR Thiamsanga hian, tun hnai khan ICMR in Rapid test kit sang 7 chuang Mizoram a rawn pe tih a sawi a, hmang thei turin thawktu thlan chhuahte a hman dan zirtir phawt an ni dawn tih a sawi.

Dr. ZR Thiamsanga hian, ICMR a\anga Rapid test kit an dawn chu China siam a nih thu a sawi a, Mizoram sorkar suma lei tur Singapore siam rapid test kit sing khat an chah pawh Mizoram a rawn thlen thuai an beisei tih a sawi a, pakhat cheng 699 man a ni tih a sawi.

Rapid test kit te hi sorkarin screening point hrang hrang a siamah hman tura ruahman a nih thu a sawi a, rinhlelhawmte chu ZMC-a Laboratory ah endik nawn leh a ni ang.

Rapid test kit hmanga endik theih tur chin inkaihhruaina siam a ni dawn a, tun dinhmunah mipui nawlpui endik tumna a la awm lo tih Dr ZR Thiamsanga hian a sawi a, rapid test kit hman hunah chuan tun aiin endik zat an pun a rinawm tih a sawi

ZMC-a COVID 19 Testing Laboratory-ah nikhatah swap sample 10 tal endik tura tih ni mahse, tun dinhmunah hetiang zat endik tur an la awm lo tih Dr. ZR Thiamsanga hian a sawi a, Medical Operation team ten tunhnaia khaw hrang hrang an tlawh kualnaah, mipuiten harsatna an tawh thenkhat an chinfelpui tih a sawi.