Sorkar chuan kumin April thla khan MGNREGS hnuaiah Job Card neite tan ni 5 inhlawhfakna tur a pe chhuak a, tun thla hian ni 14 pekchhuah leh a ni a, Lawngtlai Bethel veng mipuite chu tukin khan chhuak khawmin, Covid-19 leng vangin mipuite khuahkhirhna hnuaiah an awm a, a huhova inhlawh chu \ha an tih loh thu sawiin, an awmdan tur chu Gram Sabha kovin naktuk hian ngaihtuah an tum tih an sawi.
Hemi chungchangah hian Lawngtlai BDO, Pu Lalremruata Sailo chuan Lawngtlaia kan reporter Lalchharliana zawhna chhangin, MGNREGS hnuaia inhlawhfakna turah hna an thawh loh chuan an hlawh pek theih a nih loh thu a sawi a, social distancing kalpui chungin hna a thawh theih a ni a ti.
