MiMIR kalpui dan tur Finance Minister Pu Lalsawta’n District bawrhsap leh secretary rualte a sawipui

0
466
views

Mizoram Sorkar in NEDP hnuaia Mipui Mamawh In\awm Ruahmanna, MiMIR tih a duan kalpui dan tur Finance Minister Pu Lalsawta’n District bawrhsap leh secretary rualte a sawipui.

Planning Minister nibawk Pu Lalsawta chuan MiMIR chu khua leh tui ten neitu thinlung pua an chenna khua leh veng \heuhah mipui mamawh in\awm leh hmasawnna ruhrel an dinna tur a nih thu a sawi a. He ruahmanna hnuaiah hian District tina khaw tinte chu project siamin an in el ang a, project \ha ber chu District Bawrhsap hovin MiMIR Committee chuan a la thlang leh dawn tih a sawi. MiMIR kalpuina tur hian cheng vbc 8 ruahman a ni a, District tinin cheng vbc 1 zel an dawng thei dawn a ni. Planning Secretary Dr C Vanlalramsanga sawi danin Local Council/Village Council Court, YMA, MUP, MHIP te telna, MiMIR Joint Committee din \heuh tur a ni a. He Joint Committee kaltlang hian Concept Note mahni District Deputy Commissioner theuhah theh luh tur a ni. He ta a ti tha ber theuh hnenah an project kalpui na tur cheng vaibelchhe khat theuh pek tur a ni.

Finance Minister hian Bawrhsap-te thuneihna huanga mi – sawrkar sum rul tha duhlo leh chhiah pe duh lote laka khauh zawka hma la turin District tin Bawrhsap-te a hrilh a, Sawrkar chu mipui ta a ni a, sawrkar sum pawh mipui sum a ni a, sawrkar hnena chhiah chhung tha duh lo leh pawisa ba, sum tak tak hu pe duh lo mi thenkhatte chuan mipui sum an bat chu an rulh ngei tur a ni a ti a, The Mizoram Public Demands Recovery Act, 2001 hmang \angkaia khauh zawka hma la turin District bawrhsapte a hrilh a ni. Pu Lalsawta chuan Bawrhsap thenkhatin VC pass neituten compensation an hmuh theihna tura an dilpui \hin chu tih tawp a nih theih nan \an lak a \ul tih a sawi bawk a, zangnadawmna-ah sorkarin sum tam tak a seng \hin chu tih tawp a ngai a ni a ti.