Pu Lalchhandama Ralte hian covid-19 leng vanga harsatna thleng mekah kil tin atanga ngaituahna senga sawiho anih hnuah zirlaite hmakhuaw ngaiin MBSE in Pawl 12 Exam chu chhunzawm turin ruahmanna a siam a ni a ti a, Thawh\anni-a Chief Minister hova Council of Ministers \hukhawm pawhin \ha a ti a, Chief Minister hova ram hruaitute innrawnkhawmnaah pawh kalkhawmten \ha an ti tlang a ni a ti.
Pawl 12 Exam kallaiah ni thum chiah hmabak a la awm tih Pu Chhantea hian a sawi a, Pawl 12 Exam hmachhawn zirlai naupang 12,609 zinga zirlai 8000 velin exam an zo hman a, zirlai 4700 velin subject 1 \heuh an la hmabak a ni a ti. April ni 22 a exam tur zirlai 4939 an awm a, April ni 23-a exam tur 1641, leh April ni 24-a exam tur zirlai 446 an awm tih Minister hian a sawi a, Centre 84 ah Exam hi buatsaih a ni ang.
