Minister of State tlukpui 2 ruat dan kalh ngei niin Prism-in sawi

0
290
views

Prism-in Mizoramin Minister a neih theih zat, 12 baka Minister of State tlukpui mi dang 2 ruat an ni chu dan kalh ni ngeiin a lang niin an sawi a. RTI hmanga an zawhna, Law and Judicial Department-in a chhan danin, Political Adviser to Chief Minister atana Pu Lalrinmawia Ralte, MLA ruat a ni chu Office of Profit kalh a nih loh thu tarlan a ni a, NLUP Implementing Board Chairman atana Pu JH Rothuama, MLA ruat a ni chu Office of Profit kalh a nih loh thu an sawi thei lo thung nia sawiin, Parliamentary Secretary-te enkawlna senso hi CM-in a rulh tur a nih leh nih loh pawh an chhang thei lo bawk niin an sawi. Hei bakah Prism chuan, Minister 12 leh Minister of State tlukpui mi 2 an awm avanga Minister 14 nei ta anga lang chu Mizoramin Minister a neih theih zat bithliah bawhchhiatna a nih leh nih loh pawh Law and Judicial Department hian a sawi thei lo niin a sawi.