Pi Laltharzeli hmalakna hnuaia din, Mamit Bazar veng bika Children Sanitation Club chu kum 3 chhung kal pui a ni tawh a, kartin vawi 2 faina hnatlang a neihpui \hin a. District huam chhung khaw hrang hranga Children Sanitation Club a din te pawhin faina kawngah hma an la chho mek a ni. Pi Laltharzeli hi tun thla ni 6-a President Ram Nath Kovind-a’n faina kawnga hnathawk \ha te hnena chawimawina hlan, ‘Women Champions’ zingah a tel a, Award a dawn hnua Mizoram a lo thlenin, Thawhlehni khan Mamit Bazar-ah amah chawimawina inkhawm Mamit Bawrhsap Dr Lalrozama hovin neih a ni.
Pi Laltharzeli hian faina kawnga hma a lakna kawngah lawmman emaw chawimawina emaw a awm dawn tih hresa a nih loh thu sawiin naupang rilru thianghlim inchhunga mawhphurhna thuk tak la nei lote hun awl hmang \angkaia faina kawnga hmalakpui chu a rilru ber a nih thu leh an lo puitlin thlenga faina an nunpui theihna tura lo kaihhruai chu a tum ber a ni tih a sawi.
