Ni khat chhunga Vairengte Supply Check Gate paltlanga bungraw lut zingah Mizofed lakluh buhfai ip 1500, leh mimal sumdawngin an lakluh ip 9953 a tel a, Purun, Dal, Alu, Atta, Maida, Hmarchha, Artui, Tel, Tomato, Chi leh Chini te bakah eirawngbawlna gas, petrol leh diesel te lakluh a ni.
Bungraw phur lirthei Mizorama lut turte hi hrik thahna hlova phuh thin a ni a, ramriah hian Police, Excise leh damdawi lam thiamte bakah tualchhung mi tlawmngai, Task Force te darkar 24 chhung an duty a ni.
Kolasib District a VC te chuan an thlakhat lawmman thawhkhawmin Assam leh Mizoram ramri-a Village level Task Force te tanpui nan an hlan a. Kolasib district ah hian VC 52-ah member 140 an awm a, an thla khat hlawh thawhkhawm hi cheng nuai 2 sing 2 leh sang 7400 a tling a, ramri a ngawrh taka duty thin Task Force 18 te hnenah an hlan a ni.
