Tun \uma Miss Mizoram thlanna neih tur hi kum danga la tih ngai loh angin MJA puihnain District hrang hrangah an aiawh tur thlan phawt a ni dawn a, heta thlante chu Miss Mizoram District 2020 title pek tur an ni a, hemi atan hian District lamah pawh inpuahchahna ngawrh taka kalpui mek a ni. Miss Mizoram 2020 thlan tura lawmman an dawn tur pawh tihchian ni tawh niin, pakhatin sumfai cheng 1,70,000 bakah Scooter a dawng dawn a, pahnihna-in cheng 90,000 leh pathumna-in cheng 60,000 an dawng ang a. Hei bakah hian Sub Title Winner-in cheng 20,000 zel leh Finalin thleng ten cheng 10,000 ang dawng dawn a, hemi piah lamah hian ham\hatna dang hrang hrang pek an nih bkah Modeling Agency Partner Delhi-a Kay Savino Yhome Scouting-in Finalists zingah professional modelling contract pakhat a pe dawn a, midang an duhzawng an hmuh belh a nih chuan an pe dawn bawk.
Champhaiah chuan MJA huaihawtin Photographer Association, MHIP leh midangte phungbawmah sawmin, Organising Committee din a ni tawh a. Tun thla ni 20-ah selection an \an dawn a, January ni 30 hmaa result puan hman tum a ni. Hnahthial-ah chuan Miss thlan tur hi Lunglei District MJA hriatpuiin Hnahthial MJA-in hma an la a. A tel duhte tan tun thla ni 15 thleng hun an hawng a, ni 22-ah result puan hman beisei a ni a. Khawzawl-ah pawh Champhai MJA remruatpuinain Khawzawl MJA chuan YMA leh MHIP phungbawmah an sawm a. Champhai nen insiam remin January ni 30 hmaa result puan beisei a ni. Kolasib MJA pawhin pawnl am mi thawhpuiah sawmin, a tel duh tan hun an hawng mek a, an duh ang tel tum an hmu lo a nih chuan hmalak zui dan tur pawh a duang lawk tawh a, tun thla ni 24-ah result puan tum a ni. Lawngtlai-ah chuan Lawngtlai District MJA-in Selection Committee an din a, tun thla ni 20 a\angin tel tumte endik \an a, ni 25 -a result puan theih an in beisei a. Lunglei MJA pawhin Miss thlanh tur hian Selection Committee an din a, Haulawng, Lungsen leh Tlabung thleng thu an thehdarh tawh a, ni 25-ah result puang tum a ni. Mamit-ah chuan MJA kaihhruaiin Organising Committee din a ni tawh a, Mamit Photographers Society thawhpui niin ni 29-ah result an puang dawn a. Saitual-ah pawh MJA Gen. Hqrs. kaihhruainain Zirtawpni khan inbuatsaihna neih \an a ni a, ni 29-ah result puan theih beisei a ni. Serchhip-ah pawh Selection Committee din tawh niin, ni 30-ah result puan thei beisei a ni a. Siaha-ah pawh pawn lam phungbawmah sawmin, ni 20 hmaa ruahmanna zawng zawng peihfel a, ni 31-a result puan tum a ni.
