Miss Mizoram 2020 grand finale hi naktuk zan dar 8-ah R. Deng\huama Hall, Mualpui-ah neih a ni dawn ta a, Miss Mizoram contestant a\anga modeling contract ziahpuitu tur modeling agency Kay Savino Yhome pawh rawn thleng tawhin, nimin khan contestant te chevel thlirin, screening a nei nghal a, zanin hian contract an pek tur puan nghal a ni ang. Grand finale-ah hian tunlai hri leng coronavirus vangin hall chhung lut tur zawng zawng te khawsik an neih leh neih loh check vek tum a ni a, khawsik nei te chu kal lo tura ngen an ni.
Miss Mizoram 2020 grand finale hi Zonet cable TV-in live-in a tichhuak dawn a, show hi audition a\anga host-tu Rini Hlondo-in a kaihruai leh dawn a, grand finale-ah hian zaithiam peform tur an awm nual a, Jojo ‘Thinlung neitu’ live performance a awm dawn a, Michele Varte ‘Chawngtinleri’ leh Jerry Lalrinawma pawh a inlan dawn a, Kimkima’n a hla thar ‘|ha-Hming’ tih chu a vawi khat nan live-in a perform dawn a, Ruatpuii ‘One Moment in Time’ tih pawh ngaihthlak tur a awm dawn a ni. Grand finale hi show hmuhnawm, mit leh beng titlai tura duan a ni.
Grande finale-ah hian sub-title pali- miss congeniality, BWAP, Beautiful Skin leh People’s Choice te puan a ni ang a, chumi zawah contestant 17 a\angin top 12 finalist result puan a ni ang a, top 12 finalist te hian judge te zawhna an chhang \heuh ang a, he zawhna leh chhanna round dawtah top 6 thlan leh an ni ang.
Top 6 te hian zawhna thuhmun an chhang dawn a, chumi an chhan dan a\ang chuan ‘Miss’ thlan a ni tawh dawn a ni. Zawhna thuhmun an chhan dawnah a chhang hnuhnung tana zawhna lo hriat rûk theih loh turin contestant te hi headphone vuahtir vek an ni ang.
Grand finale-ah hian Oriflame-in an catalogue model tura an thlan an puang ang a, Kay Savino Yhome model tura thlan pawh puan nghal a ni ang. Oriflame leh Kay Savino ten model atana an thlan tur hi ‘Miss’ title winner kher a ni dawn lo va, contestant zinga an duh ber an thlang dawn a ni.
Miss Mizoram 2020 hian lawmman tangkafai Rs 1,70,000 a dawng dawn a, hei bakah hian Yamaha Fascino 125 Fi scooter a dawng tel dawn a, 1st runner up-in Rs 90,000, 2nd runner up-in Rs 60,000 an dawng dawn bawk a, Top 3 te chu Genesis Gym Membership pek an ni dawn a, finalist, top 10 tling, top 3-a inhlang kai ta lo te pawhin Rs 10,000 \heuh an dawng bawk ang. Hei bakah hian sub-title tin hian Rs 20,000 lawmman a keng tel vek bawk a ni. Heng bakah hian thilpek chi hrang hrang dawn tur a awm dawn bawk a ni.
