Mission Vengthlang MUP Unit in vawiin khan MUP Day Synod Multi Training Centre Hall-ah an hmang

0
292
views

A hmanpuitu Pu Vanlalzawma MLA chuan tun hmalam khan sorkar laipuiin State hrang hrangte sum a pek danah a hmanna tur ruahmansak nghalin chu chu khauh taka kalpui \hin a ni a, tunah erawh chuan Prime Minister, Narendra Modi kaihhruaina hnuaiah sorkar laipuiin State te chu a hlawmin sum a pe a, State sorkar chuan a ngaihpawimawh zawngah sum hman tur \ul a tih angin a ruahman thei ta a, chuvangin State sorkarin tar pension pawh \ul a tih angin a tihpun theih dawn bakah mi tam takin an hmuh theih dan tur ngaihtuah a pawimawh tih a sawi. Pu Vanlalzawma chuan upate chu tawnhriat ngah leh mi hlu an ni tih hre reng turin chhungkaw tin a chah a, an pi leh pu leh an nu leh pa te duat taka enkawl chu chhungkaw nawmna leh hlimna niin a sawi bawk.

Mission Vengthlang MUP Day lawmna inkhawmah hian an veng chhung mi, kum 90 chin chunglam mi 15 chawimawi an ni a, an zingah hian Pu Chalchhunga kum 100 mi pawh a chhungte hruaiin a tel a ni a ni. Heng mite hi Tuilumip, hnungthak hiahna, an mahni thlalak \heuh leh thil dang hman \angkai theihte an pe a, inkhawm hi MUP Unit President Pu Nghaklianmawia’n a kaihruai a ni.