Missionary Day pualin Presbyterian Kohhran Dawrpui Pastor Bial leh Mizoram Baptist Kohhran Aizawl East Pastor bial-ten Zosap-te Lungdawh-ah inkhawm tawi buatsaih

0
527
views

Vawiin, Missionary day pual hian tukin khan Presbyterian Kohhran Dawrpui Pastor Bial leh Mizoram Baptist Kohhran Aizawl East Pastor bial huaihawtin Zosap-te Lungdawh, Mac Donald Hill, Zarkawt-ah inkhawm tawi buatsaih a ni. Zosap-te Lungdawh-a Dawrpui Pastor bial Presbyterian Kohhran buatsaih inkhawm tawi hi Upa Vanlalhruaia’n a kaihruai a. Upa Lalthanzama’n Missionary pahnihte chanchin, Rev. Challianngura ziah chhiar chhuakin, Dawrpui Pastor bial Zaipawl-in Haleluiah chorus an rem hnuah kal khawmte hian Missionary-te hmanga Mizoram-in chanchin \ha a dawn avangin lawmthu sawiin an \awng\ai rual a ni. Tukin vek hian Dawrpui Presbyterian Kohhran chuan Missionary Day Run huaihawtin, an Biak in kawt atangin Bazar Bungkawn ah kualin, Zosap-te Lungdawha inkhawm hi an fin a ni.

Tukin vek khan Mizoram Baptist Kohhran, Aizawl East Pastor bial chuan Missionary Day pualin Zosap-te Lungdawh-ah hian inkhawm tawi an buatsaih bawk a. Inkhawm hi Upa LH Rosanga’n kaihruaiin, Aizawl East Pastor Bial Chairman. Upa Hranga Khiangte-in Missionary hmasate lo thlen dan chanchin a sawi a. Hemi hnu hian Chanmari Baptist Kohhran \halaiten Missionary day pualin hla an rem bawk a. Bialtu Pastor, Rev. Hrangaia Hmar-in lawmthu sawi \awng\ai rualna a kaihruai a ni.