Award hi vawiina Mizo Academy of Letters Annual Meeting Central YMA Hall, Tuikhuahtlanga buatsaihah hlan a ni a, Award hian medal, thu chei leh tangka fai Rs. 20,000 a keng tel a ni. Inkhawm hi MAL President Prof. Laltluangliana Khiangte in a kaihruai a, a hmanpuitu Education Minister Pu Lalchhandama Ralte chuan, MAL chu pawl \angkai leh hlu tak Zofate thu leh hla lama nasa taka dawm kangtu a ni tih a sawi a, an thu leh hlate chhawm nunga paw chhuak zel thei tur \hangthar te an tel chhoh a pawimawh tih a sawi. Pu Lalchhandama Ralte chuan, \awng thuah \hangtharte an tla chhe tial tial a, hawrawp kim lova thuziak a tam tial tih sawiin MAL hian ring rawlh thuk deuh tura a duh thu a sawi a, hnamzia leh nun ze mawi tuh a \ul tih sawiin nun kawng dika hruai thei tur thu ziak uar turin MAL member te a sawm a ni.
He Mizo Academy Award 2019 dawngtu Pu Lalthangfala Sailo hian hla 50 chuang a phuah bakah, lemchan 10 chuang a ziak tawh a, Sangeet Natak Akademi Award 2007, Padma Shri 2009, Bharat Adivasi Drama Award 2012 leh Pu Buanga Award 2015 te a lo dawng tawh a ni.
