Nimina final khelhah India team hian an bitum Japan chu 3-1 in an hneh a ni. Chief Minister Pu Zoramthanga chuan mizo nula Lalremsiami Hmar telna India India hmeichhia Hockey Team-in Women FIH Hockey Series no mawi an chawi chu a lawmpui thu a sawi a, India team-in semi final an khelh dawnah Lalremsiami Hmar chu a pa-in a thih san thut chungin, huaisen taka a mawhphurhna a hlen leh an champion hial thei chu a chhuang takzet tih twitter-ah ziak a ni.
Sports Minister Pu Robert Romawia Royte leh Lok Sabha MP Pu C Lalrosanga te pawhin Lalremsiami hmar leh India Hockey team a lawmpui thu hi a sawi a ni.
India Hockey team te hi Women’s FIH Series Final an luh avang hian 2019 FIH Olympic Qualifiers khel turin an tling nghal bawk a ni. Lalremsiami Hmar hi tunthla ni 21 khan a pa Pu Lalthansanga’n lungphu chawlin a thihsan a, Japan-ah India tan inelna pawimawh tak khela a fehchhuah lai a ni a, a pa ruang nang hman lo tura haw ai chuan huaisen taka ram tana in lan a thlang a, hetianga harsatna a tawk chung hian India hmeichhe Hockey team hi a champion pui ta a ni.
