Vawiina Aizawl Press Club-a thuthar thehdarhtute ankawmnaah Rabung Vanapa Thlan Sub Committee hotute chuan, Zawlnghak-a Vanapa a awm lai hian kum upa tak a ni tawh niin an sawi a, a thih hian an lal Liankhama thlan bulah phum a ni an ti a, Zawlnghakah hian amah leh a nupui, a fapa Ralduha leh Vanchiaua nupui Chawngthangi te pawhin an lu an nghat niin an sawi a, Zawlnghak ram hi tun hmain loa neih a nih fo avangin Vanapa thlan lungphun dik tak chu hmuh tur a awm tawh lova, Rabung YMA leh Aiduzawl in kum 2007 khan a hriatrengna lung an phun tih an sawi.
Rabung Vanapa Thlan Sub Committee hotuten chanchinbumite an kawmnaah hian Vanapa thihna leh an phumna hmun hretu nia an sawi te pawhin thu an sawi a ni. Sawi dan pakhatah chuan Vanapa hi Hnahlan ram, Tuithoh lui kamah phum a ni tih a ni thung.
