Jeremy-a hi championship ah hian group B ah awmin Kg 67 category ah a tel a, nimin khan natch leh clean & jerk-ah Youth world record leh Asian record awmsa te khumin record thar a siam ve ve a, kg 134 leh 163 te chawiin a belhkhawmin kg 297 a chawi a, a awmna group ah hian kg 304 chawitu, Pakistan mi Talha Talib dawt chiahah a awm a, Group A lam result kimchang hriat anih hnuah he tournament bika Jeremy-a dinhmun tur hi a chiang dawn a ni.
Jeremy-a hian, national leh international level inelna hrang hrangah record dinglai 15 zet khumin record thar a siam der tawh a, International record thar 6 siam tawhin hengte hi Youth World leh Youth Asian -ah pathum ve ve a ni a, Youth National, Junior National leh Senior national ah te record thar pathum \heuh a siam tawh bawk a ni.
Tuna Asian Championship hi Olympic qualifying event a ni nghal a, a point hmuh te hi kum 2020 Tokyo Olympic ranking atan chhiar tel nghal tur a ni.
Aizawl Govt Complex rawlthar Jeremy Lalrinnunga hi kum 6 mi a nih a\anga infiamna lama tui chho tawh a ni.
