Mizo thuziak mi 3 pian kum 100 tlinna pualin National Seminar on Mizo Prose Writings hmang

0
653
views

Kum 1917-a piang, Mizo thuziak mi 3 – Rev. Dr. Zairema, Pu C. Rokhuma leh Pu R. Zuala pian kum 100 tlinna pualin vawiin khan Synod Conference Centre-ah an kutchhuakte zirhona, National Seminar on Mizo Prose Writings, ni 2 chhung awh tur chu \an a ni a, a hmanpuitu Finance Minister, Pu Lalsawta chuan, Mizo \awng ziak leh chhiar kawngah fimkhur a ngaih thu leh \awng hman dik kawngah \an lak thar a \ul thu a sawi. He zirhona hi Mizoram University-a Mizo Department, All India Tribal Literary Forum leh New Delhi-a Ramnika Foundation \angrual buatsaih a ni a. A hawnna inkhawm hi Prof. Laltluangliana Khiangte-in a kaihruai a, he seminar-ah hian Rev. Dr. Zairema, Pu C. Rokhuma leh Pu R. Zuala chanchin leh an thuziak hrang hrang zirho a ni a, naktuk nilengin Pachhunga University College Seminar Hall-ah chhunzawm a ni ang.