Hnahthial-a thuthar lakhawmtute an kawmnaah MZP Tuipui Branch President Tv.K.Siloam Lalrinpuia chuan Govt Middle School Tuipui D ah hian Zirlai 68 an awm tih a sawi a, August thla khan Headmaster Pu Lalramzauva chu Sairang Modern Middle School-ah dah a ni a, a aiawh tur dah an ni lo tih sawiin, dahlet leh an phut tih a sawi a. Tuipui D Middle School-a Mathematics zirtirtu pangangaiawm lo chu zirlaiten an tuar tih a sawi bawk. Tunhnaia Mizoram Sorkar-in MR a thawk tur Primary Zirtirtu a lakah Tupui D atanga ngeia diltute lak zinga an tel ve lo chu an hriatthiam loh thu a sawi bawk a, ‘post ruak awmna khuaah chuan a khaw mite duhsak an ni ang tih sorkarin a sawi laia an khaw mi diltu pahnihte lak loh zinga an tel ve ve chu an khawtlang an lawm lo hle tih a sawi.
