Federal Council hi General Headquarter Conference Hall-ah an \hukhawm a. Inkhawm hi an pawl Vice President Pu B Vanlaltana’n a kaihruai a, President Pu L Ramdinliana Renthlei chuan, MZP chu zirlai te tana thawktu a nih rualin Mizo hnam tana thawktu pawimawh a ni a, mi\henkhatin kuanglo nawr ang ang hialin sawi \hin mah se ram leh hnam leh zirlaite tana \ha turah chuan theihtawpin hma ala mai \hin a ni a ti.
MZP Assembly neih huna ngaihtuah tura an chhawp chhuahte zingah hian Mizoram ramri hrulah Police Force tam zawk dah a nih theih nan hmalak ni rawh se tih te, Mizoram Education Service siam anih theih nan hmalak ni rawhse tih te leh All India Civil Service leh central service ah te mizo \hahhnem zawk an tlin theih nan hmalak ni rawhse tih te pawh a tel a ni.
