Mizoram Agriculture Marketing Solution (MAMSoL) in inkharkhip karah kuthnathawktute sawhthing thar chhuah matric ton 409 an lei sak tawh.

0
71
views

Vawiin a pisaa thuthar thehdarhtute thenkhat a kawmnaah MAMSoL Chairman Pi T. Lalmuanpui chuan inkharkhip vangin kuthnahtawktuten sawhthing hralhna an hriat loh avangin sorkar beisei angin April ni 19 atang khan an leisak tan tih a sawi a, tun thla ni 13 thleng khan cheng vaibelchhe 1 nuai 44 man vel an lei tawh tih a sawi. Pi Muanpuii sawi danin, sawhthing hi khaw 12 atanga lei a ni a, a man pe tlak nghal vek a ni a, hri leng laka himna ngaipawimawh chungin khaw pawnah leisak thin a ni.

Hnam dangin a rate an duh dan dana an siam thin chu tha lo an tih thu MAMSoL chairman hian a sawi a, sawhthing an lei tirhin KG khat cheng 30 in an lei a, tun dinhmunah cheng 40 atanga 45 inkar velin an leisak a, an rate aia sanga hralhna hriate chu harsatna an siamsak lo tih a sawi. Sawhthing sawngbawlna an la neih loh avangin rate sang zawka hralh ala har tih Pi Muanpuii hian a sawi a, sawhthing chauh ni lo thlai dang pawh lei khawm tumin hma an la tih a sawi.