Championship-ah hian ban inelh chak 77 an tel a, inelna hi category hrang hrangah \henin KG 60 inelnaah Vanlallura Tlangnuam Vengthar chu pakhatna a ni a, KG 70 ah R Lalmalsawma Lamzawl chu pakhatna a ni a, KG 80 ah Denic Lalruattluanga ITI in lawmman pakhatna a dawng a, KG 80 chunglamah Lalawmpuia Ramhlun South pakhatna a ni. A pumpuiah Denic Lalruattluanga ITI chu a champion a ni. Hmeichhiaah K Lalhriatpuii Bungkawn High School veng pakhatna a ni bawk.
Inelna hawngtu Sports Minister Pu Robert Romawia Royte chuan Mizoram Arm Wrestling Association te tunhnaia national level inelna Chattisgarh-a neihah an champion chu thil chhinchhiahtlak tak a nih thu a sawi a, Arm Wresting chu Mizo te tan infiman lamah national chauh ni lo khawvelah pawh lantheihna a nih ngei a rinthu a sawi.
