Mizoram Assembly Budget Session neih mekah vawiin khan Minister pahnih Pu Zodintluanga leh Pu KS Thanga ten kum 2018-19 chhunga an hna chanpual an enkawlna tur sum ruahman sawi hova pass a ni. Minister Pu Zodintluanga Department enkawlna tur sum ruahman te hi Sports and Youth Services Department ah Rs. 41,85,30,000, PHE Department ah Rs. 1,95,10,05,000, UD&PA Department ah Rs. 3,69,66,97,000 leh
Information and Communication Technology enkawlna tur Rs. 5,39,68,000 te a ni.
Pu KS Thanga Department enkawlna tur sum ruahman te chu Agriculture Department ah Rs. 2,26,67,78,000, Land Resources, Soil and Water Conservation Department ah Rs. 16,42,62,000 leh Irrigation and Water Resources Department enkawlna tur Rs. 51,15,63,000 te a ni.