Mizoram Assembly inthlanna kumin kum tawp lama neih tura hman turin Mizoram pum huapin electoral roll ennawn hna vawiin atang khan thawh tan a ni.

0
309
views

Electoral Roll ennawnnaah hian kumin January ni 1-a kum 18 tling chin ram khua leh tui dik tak te Electoral Roll-ah thun an ni dawn a ni. Election Commission of India ruahmanna siam angin vawiin khan tuna Mizoram sorkar Electoral Roll neih lai chu Aizawl leh District khawpui hrang hranga Bawrhsap, District Election Officer ni bawk te office-ah mipuite hmuh theih tura tarchhuah a ni a, vawiin a\anga tun thla ni 21 thleng thun belh diltute dilna leh Electoral Roll-a siam\hat leh tihdanglam diltute tan hun hawn a ni a, hemi chhunga inthun diltute leh siam\hat leh tihdanglam diltute dilna chu kumin September ni 20 hma-in chinfel sak vek a ni ang a, hemi hnu hian Electoral Roll thar chhu chhuak thei turin thil tihfel ngai zawng zawngte September ni 26-ah zawhfel a ni ang a, Electoral Roll thar, inthlannaa hman theih tur chu kumin September ni 27-ah peihfel tur a ni. Hemi rual hian Polling Station thar siam ngaihna hmun te pawh en tel a ni ang. Tuna Mizoram Electoral Roll neih laiah hian vote nei mi 7,59,519 an awm a, heng zinga mi 3,71,473 chu mipa an ni a, a bak mi 3,88,046 chu hmeichhia an ni. Mipa aia hmeichhe tamna chu 16,573 a ni. Tun dinhmunah Mizoram pumah vote thlakna Polling Station 1,148 a awm bawk a ni.

Aizawlah chuan Aizawl District-a Assembly bial hrang hrang 14-a Electoral Roll neih lai te chu Additional DC Pu John LT Sanga’n DC Conference Hall-ah vawiin khan a tar chhuak a, vawiin a\anga August ni 21 thleng Electoral Roll-a thun belh dil duhte tan leh thil sawisel tur leh tihdanglam duhte tan dilna hun hawn a ni tih a tarlang bawk.

Lawngtlaiah chuan DC Office-a inkhawmah Bawrhsap Pu N. Chakhaia’n Lawngtlai District-a Assembly bial 3-a Electoral Roll te ennawn turin a tar chhuak a,

Kolasib-ah pawh DC Conference Hall-ah Bawrhsap Dr. Arun T., District Election Officer ni bawkin he District-a Assembly bial 3-ah Electoral Roll neih lai a tar chhuak a ni. Hetiang bawk hian District hrang hrang Bawrhsap, District Election Officer ni bawk te pawhin vawiin a\anga Electoral Roll ennawn theihna turin an District huam chhung \heuha Assembly bial hrang hranga Electoral Roll neih laite mipuite hmuh theih turin an tar chhuak a, thun belh dil duh leh thil tih dik leh tihdanglam dil duhte tan vawiin a\anga August ni 21 thleng hun hawn a ni tih an hriattir nghal a ni.