Mizoram Assembly inthlanna tun thla ni 28-a neih tur atana hriattirna chhuah ni vawiin khan bial hrang hrang pathuma chuh turin candidate pathumin Returning Officer te hnenah an hming an pe lut.

0
472
views

 

Aizawl East I Biala ZPM Candidate, Pu K. Sapdanga chuan vawiin khan he biala a chuhna tur nomination paper Aizawla Returning Officer, Pu R. Lal\hazuala hnenah a thehlut a ni. Hemi hnu hian thuthar thehdarhtute zawhna chhangin Pu K. Sapdanga chuan he inthlannaah hian ZPM chuan hnehna changin sorkar a siam ngei dawna a rin thu a sawi a, tun dinhmuna thil awmdan an zirchianna a\angin Mizoram Assembly-a seat awm zawng zawng 40 zingah seat 25 leh 30 inkar an la thei dawn niin a sawi a, Pu K. Sapdanga chuan mipuiin tactic an ngaisang tawh lova, thil tak tak an duh tawh niin a sawi a ni.

Serchhip bialah pawh ZPM Chief Minister Candidate, Pu Lalduhoma’n vawiin vek khan Returning Officer, Pi Sangchhin Chinzah Office-ah a nomination lehkha a thehlut a, Pu Lalduhoma hi party miten an \awiawm a ni. Serchhip District-a bial dang, Hrangturzo bialah pawh vawiin khan ZPM candidate, Pu Lalthansanga (Chate-a tia hriat bawk)in Returning Officer, Pu Chuauhnuna Office-ah a nomination lehkha a thehlut a ni.