Mizoram Assembly inthlanpui-a vawiina vote thlak takah party hrang hrang hotuten hnehna chan ngei an inrin thu an sawi.

0
630
views

 

Chief Minister nilai, Pu Lal Thanhawla’n congress party in seat 27 aia tlem lo an la dawn niin a sawi a, Chakma tamna bialah Congress in hnehna a chang leh dawn nia sawiin, Tuikuk tamna bialah chuan BJP-in nasa taka sum a chelek avangin tling thei tur a hriat loh niin a sawi. Pu Lal Thanhawla hian chawhma lam dar 11:30 vel khan Zarkawt Polling Station II-ah vote a thlak a ni.

MNF President Pu Zoramthanga’n bial 25 chuang an lak tur thu a sawi ve thung a, Pu Zoramthanga hian Ramhlun Venglaia Govt. Primary School a Polling Stationah tukin dar 7 hnu hret-ah vote a thlak a ni.

ZPM leader, Chief Minister candidate nibawk, Pu Lalduhoma chuan, tukin dar 7:30 khan an chenna Aizawl Chawlhhmun vengah vote a thlak a, hemi hnua Zonet zawhna chhangin Pu Lalduhoma chuan, sorkar an siam ngei dawn nia sawiin, seat 24 emaw 25 emaw vel an lak theih a beisei tih a sawi.

ZPM chu Policy an neih \hat vang tling tura a beisei thu sawiin, Pu Lalduhoma chuan, mipui ten sorkar \ha neih an duh tawh avangin chumi tihlawhtling thei tura rinkai ber ZPM chu a sorkar dawn niin a sawi.

Pu Lalduhoma chuan, Party mala sorkar siam thei awm lo mah se, BJP chu an thawhpui dawn chuang lo niin a sawi.

Tun inthlanah hian a tling lo a nih chuan politics chu khelh chhunzawm theih a inrin tawh loh thu Pu Lalduhoma chuan a sawi bawk.

Mizoram People Forum Vice Chairman Pu Vanlalruata’n boruak muanawm tak hnuaiah mipui ten phur takin vote an thlak nia an hriat thu sawiin Mizoram inthlan chu State dang te entawntlak nia a hriat thu a sawi.