Mizoram BJP Thalaiin sorkar hnathawh hlawh thawh tura tih chu Covid 19 hri leng mek chhuanlama hmanga an hlawh chhuhsak tumna leh Party worker invulh tumna anih an rinhlelh thu an sawi.

0
10
views

State tam takah Covid-19 vanga mipui tam takin an tawrh laiin Mizoramah chuan he natna kai pakhat enkawl dam tawh tih loh chu natna kai dang a la nei lo tih an sawi a, sorkar laipuiin Covid 19 do kawnga hmalakna atan cheng vaibelchhe tam tak a pek piah lamah hmanrua leh bungraw chi hrang hrang pe a, a phurhna tur thlenga a ngaihtuah sak chu thlamuanthak an tih thu Mizoram BJP thalai hian an sawi a. Hetiang a ni chunga state sorkar-in a hnathawkte hlawh May atanga December thleng thawh tura a ti chu thil tih chi nia an ngaih loh an sawi. BJP thalai hian, sorkar laipui atangin cheng vaibelchhe tam tak- National Bamboo Mission, SDRF, Revenue Deficit Grant, Tax Devolution, National Health Mission Fund, LESDE leh loan chi hrang hrang hmuh a ni, an ti a. DoNER kaltlanga NEC atanga cheng nuai 300 a tulna apianga hman tura hmuh phei chu vawiin thlengin sorkar-in a la hmang hlei thei lova, hetianga sum ngah si-in Sorkar hnathawkte hlawh thla 8 thawh tir an tum chu a tha lo a, sorkar hnathawkte Fundamental Rights namnulna leh sum chhuhsak tumna a ni, an ti.