Mizoram Board of School Education-in vawiin khan matric result a tichhuak a, a pumpuiah St. Joseph Higher Secondary School zirlai, Lalrinnungi chu pakhatna a ni.

0
241
views

Pakhatna Lalrinnungi hian full mark 500-ah 486 a hmu a, St. Pauls HSS zirlai, Angeline Lalpekhlui chu pahnihna leh St. Pauls HSS zirlai, F. Remsangpuia chu pathum a ni. Kids Care School Aizawl zirlai, Lalengzauva chu palina, Ar Ells School Aizawl zirlai, K. Lalbiaksangi leh Home Mission School Aizawl zirlai, Samuel Lalremruata chu panga-na, St. Pauls HSS zirlai, C. Zoliansangi chu parukna, Sacred Heart School Lunglei zirlai, Esther Lalrinkimi, Holy Faith School Lunglei zirlai, Jacob Lalhmangaihsanga, Mount Carmel School Aizawl zirlai, Malsawmtluanga, St. Joseph HSS zirlai, Ruthi Lalngilneii, Sacred Heart School Lunglei zirlai, Ruthi Lalruatfeli, Don Bosco School Siaha zirlai, S. Zonuntluangi chu pasarihna, Nazareth English School Aizawl zirlai, Vanlalpeksanga chu pariatna, St. John’s HSS zirlai, Christina Vanzarliani leh St. Pauls HSS zirlai, Sarah Lalhmingmawii chu pakuana niin, Bethel Mission School Champhai zirlai, CL Kimteii, St. Pauls HSS zirlai, Estella Zothanpuii, St. Joseph HSS zirlai, Ramnghahsangi leh Bethel Mission School Champhai zirlai, R. Lalrinmawii te chu sawmna an ni a. A ti\ha zual 10-ah hian zirlai 20 an lang a, an zinga 14 chu hmeichhia niin, mipa 6 an awm a. Top 10-a lang zirlai zingah hian hnamdang an tel lo a ni.

Top 10-ah hian mi 20 an lang a, Top 10-a lang zingah hian Aizawla St. Pauls Higher Secondary School zirlai tam berin mi 5 an lang a, Aizawla St. Joseph Higher Secondary School zirlai 3, Lungleia Sacred Heart School zirlai 2 langin, an ni bak hi Top 10-a zirlai pakhat aia tam thawh an awm lo a ni.

HSLC ah hian zirlai exam 17,346 zinga 11,783 pass-in, Pass percentage chu 67.93 a ni a, hei hi nikuma Pass Percentage 76.65 aiin, zaa 8.72-in a hniam zawk a ni. HSLC pass thar te hi Regular student 11,687 leh private-a exam mi 96 an ni a; mipa 5,778 leh hmeichhia 6,005 in an pass a. Distinction-ah mi 1,177 an pass a; First Division-ah 3,280, Second Division-ah 4,051 leh Third Division-ah mi 3,275 an pass a, pass zo lo zirlai 5,094 an awm a, zirlai 469 chu Compartmental Chance pek a ni. Compartmental chance neite tan hian June ni 6-ah District Headuarters tina Exam Centre pakhat \heuh siamah exam hi buatsaih a ni ang.

Regular Candidate zingah Aizawl District chu a ti\ha ber niin, zaa 80.98 an pass a; Serchhip District-ah zaa 70.61, Champhai District-ah zaa 67.36, Lunglei District-ah zaa 64.14, Kolasib District-ah zaa 63.04, Mamit District-ah zaa 52.09, Lawngtlai District-ah zaa 49.63 leh siaha District-ah zaa 45.12-in an pass a. Sorkar enkawl School-a zirlai zaa 60.97 an pass a, Deficit school-ah za a 91.42, Aided School-ah zaa 63.90, Lumpsum Aided School-ah zaa 59.06, Private school-ah zaa 72.33 Pass-in, Private Candidate zinga za a 32 an Pass bawk a. Exam zawng zawng pass vekna sikul 72 an awm laiin, Candidate-te fail vekna sikul 24 a awm a. Nikum khan Candidate zawng zawng pass vekna sikul 105 leh fail vekna sikul 15` a awm a ni. Kumin HSLC Exam-ah hian candidate inziak lut 17,989 an awm a, exam leh ta lo 643 an awm a. Subject mala mark 100 hmu mi 6 an awm a ni.