Mizoram census khawpui 23 zinga khaw fai bera thlan, Biate khaw mipuiten Pathian hnenah lawmthu sawi

0
431
views

Mizorama census khawpui 23 zinga khaw fai intihsiakna buatsaiha khaw fai bera thlan tak, Biate khaw mipuiten vawiin khan Pathian hnenah lawmthu an sawi. Lawmthu sawina \awng\ai inkhawm hi Biate Presbyterian Kohhran Biak In pahnih, Biate Kohhran leh Biate North Kohhranah neih a ni a, Kohhran pawl sawi lovin a huhovin Pathian hnenah lawmthu an sawi a ni. Hemi bakah hian tukin khan Zialung Community Hall-ah an khaw vawn fai zul zel dan tur an inzirtir a, Nodal Officer atana ruat, Dr. Vanlalchhuanga’n faina leh thianghlimna lama \an la zui zel turin mipuite a fuih a ni. Kum danga October ni 2 apianga an tih \hin angin vawiin khan an khaw pum huapin faina hnatlang an nei nghal a, mi 400 vel an thawk chhuak a ni. Biate a\anga ZONET thu dawn danin kum 1956 khan Biate khuaah hian Mizoram Children Association a ding a, naupangte chu khawlai tihfaitir \hin an ni a, hemi hnu, kum 1980 vel khan YMA chhangin khawlai hi an phiah chhunzawm leh a, kum 2003 a\ang khan an khaw Branch YMA Sanitation Committee dinin faina leh thianghlimna lamah \an an lo la tawh a ni.